Por Resolución do 5 de febreiro de 2002, publicada no DOG nº 42, do 27 de febreiro, aprobouse a oferta de emprego público correspondente a diversas prazas de corpos e escalas do persoal funcionario de administración e servicios desta universidade.

Por razóns organizativas non se incluíron na referida oferta as prazas vacantes correspondentes á escala de axudantes de arquivos, bibliotecas e museos das que existe necesidade e afectan ó funcionamento de diversos servicios universitarios esenciais.

En consecuencia, este rectorado, no uso das atribucións que lle confiren o artigo 20 da Lei orgánica 6/2001, do 21 de decembro, de universidades (BOE do 24 de decembro), e o artigo 65 dos estatutos da Universidade da Coruña,

RESOLVE:

Primeiro.-De conformidade co establecido no artigo 29 da Lei 4/1988, do 26 de maio, da función pública de Galicia, modificada pola Lei 3/1995, do 10 de abril, modifícase a oferta de emprego público do persoal funcionario de administración e servicios da Universidade da Coruña para o ano 2002 coa inclusión das seguintes prazas:

-Grupo B, escala de axudantes de arquivos, bibliotecas e museos: 12 prazas.

Segundo.-As prazas ofertadas están dotadas orzamentariamente na correspondente relación de postos de traballo do persoal funcionario de administración e servicios e atópanse vacantes ou cubertas por persoal laboral con contratos de interinidade.

Terceiro.-As convocatorias de probas selectivas que deriven desta modificación publicaranse no DOG e no BOE.

A Coruña, 19 de setembro de 2002.

José Luis Meilán Gil

Rector da Universidade da Coruña

CONSELLERÍA DA PRESIDENCIA, RELACIÓNS INSTITUCIONAIS

E ADMINISTRACIÓN PÚBLICA