Aprobado polo alcalde deste concello o proxecto técnico e prego de condicións económico-administrativas que rexerá no concurso por procedemento aberto (tramitación urxente) da obra que no punto 2 se indica, expóñense ó público polo prazo dos oito primeiros días naturais seguintes ó da derradeira publicación deste anuncio no DOG e no BOP. Simultaneamente anúnciase a licitación para a presentación de propostas, podendo aprazarse a licitación no caso de que se formulen reclamacións contra o proxecto ou o prego.

1. Entidade adxudicadora. Organismo: Alcaldía. Dependencia: Secretaría.

2. Obxecto, prezo e prazo do contrato. Centro Multiúsos Municipal de Goián (6ª fase) cun orzamento de licitación de 150.252,65 A (non se admiten baixas) e un prazo de execución de 6 meses.

3. Tramitación, procedemento, forma adxudicación. Tramitación: urxente. Procedemento: aberto. Forma: concurso.

4. Garantías. Provisional: non se esixe. Definitiva: 6.010,11 A.

5. Obtención da documentación e información. Secretaría do concello, praza de Calvo Sotelo, 36740 Tomiño; teléfono 986 62 20 01/fax 986 62 25 30, ata o día anterior ó do remate de presentación de proposicións.

6. Requisitos específicos do contratista. Clasificación: C-7-c e os criterios especificados no prego.

7. Presentación das ofertas. Prazo: 13 días naturais seguintes á publicación do derradeiro anuncio de licitación no BOP de Pontevedra e no Diario Oficial de Galicia (DOG). Documentación: a esixida no prego. Lugar de presentación: rexistro xeral do Concello de Tomiño, das 9 ás 14 horas (luns a venres) e de 11 a 13 horas os sábados.

8. Apertura de ofertas. Pola mesa de contratación e de conformidade co establecido no prego.

9. Gastos dos anuncios. Por conta do adxudicatario.

Tomiño, 4 de outubro de 2002.

José Luis Fernández Lorenzo

Alcalde