O día 10 de xullo de 2002 o secretario xeral da Consellería de Sanidade dictou resolución pola que se revoga a autorización de funcionamento concedida ó centro hospitalario titularidade da entidade Policlínica Médico-Cirúrxica Monte Xiabre, S.A., situado na avenida das Carolinas s/n de Vilagarcía de Arousa, Pontevedra, e se procede a súa baixa do rexistro de centros, servicios e establecementos sanitarios.

Intentada a notificación desta resolución segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio da presente cédula notifícase á entidade Policlínica Médico-Cirúrxica Monte Xiabre, S.A. para que poida ter coñecemento do seu contido.

Así mesmo, fáiselle sabe-lo dereito que o asiste para presentar recurso en alzada ante o conselleiro de Sanidade, no prazo dun mes contado a partir do día seguinte da publicación desta cédula no Diario Oficial de Galicia, de acordo co disposto nos artigos 114 e 48 da lei citada, sen prexuízo de que poda exercitar calquera outro recurso que estime pertinente.

A presente cédula expídese para que conste e lle sirva de notificación ó interesado, en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Santiago de Compostela, 16 de setembro de 2002.

Juan Ducet Robert

Subdirector xeral de Inspección Sanitaria

CONSELLERÍA DE XUSTIZA, INTERIOR E RELACIÓNS

LABORAIS