Por resolución da Alcaldía do 25 de setembro de 2002, foi aprobado o prego de cláusulas administrativas-técnicas que rexerán na contratación polo procedemento aberto da subministración para instalación e equipamento da gardería municipal, o cal se expón ó público polo prazo de oito días contados a partir do seguinte ó da inserción deste anuncio no DOG para que poidan presentarse reclamacións.
Simultaneamente, anúnciase o concurso se ben a licitación se aprazará, cando resulte necesario, no suposto de que se formulen reclamacións contra o prego de condicións.
1. Entidade adxudicadora.
Organismo: Alcaldía.
Dependencia que tramita o expediente: Secretaría.
2. Obxecto do contrato.
Descrición: subministración para a instalación e equipamento da gardería municipal.
Prazo de entrega: 3 meses a partir da notificación da adxudicación.
3. Tramitación, procedemento e forma.
Tramitación: ordinaria.
Procedemento: aberto.
Forma: concurso.
4. Orzamento base de licitación.
Orzamento base: 33.055,67 euros.
Criterios de selección para a adxudicación da obra: cláusula 2 do prego.
5. Garantías.
Definitiva: 4% do orzamento de adxudicación.
Prazo: 1 ano desde a recepción formal da subministración.
6. Obtención de documentación e información.
Entidade: rexistro xeral do concello.
Domicilio: praza do Reló.
Data límite para solicitar presentación: 15 días naturais a partir da publicación do edicto de licitación no DOG.
7. Presentación de ofertas.
Prazo: cláusula 14 do prego.
Documentación: cláusula 13 do prego.
Lugar de presentación: rexistro xeral do concello.
8. Apertura de ofertas.
Entidade, domicilio e localidade: Concello da Guarda, praza do Reló (A Guarda).
Data e hora: 13 horas do primeiro día hábil seguinte ó de finalización do prazo de presentación de ofertas.
9. Gastos dos anuncios.
Serán por conta dos adxudicatarios.
A Guarda, 26 de setembro de 2002.
José Luis Alonso Riego
Alcalde