A Lei 27/1992, do 24 de novembro, de portos do Estado e a mariña mercante, texto reformado pola Lei 62/1997, do 26 de decembro, atribúelles ás comunidades autónomas as facultades de designación e separación dos vocais dos consellos de administración das autoridades portuarias de interese xeral do Estado sitas no seu territorio.

Ó abeiro do artigo 40.2º punto 6º da xa citada Lei 27/1992, e dos acordos do 5 e 26 de marzo de 1998, do Consello da Xunta de Galicia, os membros dos consellos de administración das autoridades portuarias de interese xeral do Estado, foron nomeados por un período renovable de 4 anos, segundo orde da Consellería de Política Territorial, Obras Públicas e Vivenda do 23 de xuño de 1998, DOG nº 121, do 25 de xuño, polo que é preciso proceder á súa renovación.

O acordo do Consello da Xunta de Galicia do 10 de xaneiro de 2002 modificado polo do 6 de xuño de 2002 faculta ós conselleiros de Pesca e Asuntos

Marítimos e de Política Territorial, Obras Públicas e Vivenda para o exercicio das devanditas competencias.

Ó abeiro do disposto no artigo 40, número 2º, da Lei 27/1992, e do mencionado acordo do 10 de xaneiro de 2002 modificado polo do 6 de xuño de 2002, do Consello da Xunta de Galicia e, en canto órgano competente,

DISPOÑO:

O cesamento, como vocal do Consello de Administración da Autoridade Portuaria de Vilagarcía de Arousa e a súa ría, de Miguel Ángel López Sieiro.

Santiago de Compostela, 25 de setembro de 2002.

Enrique César López Veiga

Conselleiro de Pesca e Asuntos Marítimos