No procedemento de referencia dictouse sentencia con encabezamento e parte dispositiva do teor literal seguinte:
«Sentencia número 79/2001.
En Viveiro o vintenove de xuño de dous mil un.
Vistos por min, Marta Canales Gantes, xuíza do Xulgado de Primeira Instancia e Instrucción número dous desta localidade, os presentes autos de divorcio, seguidos perante este xulgado co número 185/2000, por instancia de María Dolores Soto Moreno, representada polo procurador Constantino Prieto Vázquez e baixo a dirección da letrada Ana Cristina Gómez Barrera, contra Eduardo Agustín Cometto Balaguer, en situación procesual de rebeldía; con intervención do Ministerio Fiscal.
Parte dispositiva.
Que estimando en parte a demanda interposta polo procurador Constantino Prieto Vázquez en nome e representación de María Dolores Soto Moreno, contra o seu esposo Eduardo Agustín Cometto Balaguer, debo declarar e declaro disolto por divorcio o matrimonio de ambos cónxuxes, con tódolos efectos legais inherentes á dita declaración. Acordando respecto dos seus bens a disolución do réxime económico matrimonial de gananciais, e as medidas definitivas seguintes:
-Outórgase a garda e custodia dos dous fillos menores, David e Abraham, á nai, e ostentarán os dous proxenitores a patria potestade compartida.
-Quedan para execución de sentencia as medidas relativas á fixación do réxime de visitas respecto dos menores a favor do pai, para o que será necesaria unha proposta deste que se valorará en atención ó principio de favor filii.
-E igualmente déixase para execución de sentencia o sinalamento da contribución que en concepto de
alimentos a favor dos fillos e con cargo ó pai se deberá fixar, así como a contribución por gastos extraordinarios destes.
-Atribúese o uso e desfrute da vivenda familiar á nai e fillos.
Estas medidas poderán ser modificadas cando se alteren substancialmente as circunstancias. Todo iso sen expresa declaración en canto ás custas causadas.
Esta sentencia producirá efectos a partir da súa firmeza, non prexudicando a terceiros de boa fe senón a partir da súa inscrición no Rexistro Civil.
Notifíquese esta resolución ás partes facéndolles saber que non é firme e que contra dela poden interpor recurso de apelación ante a Audiencia Provincial de Lugo, no prazo dos cinco días seguintes á súa notificación, preparándose ante este mesmo xulgado con suxeición ós artigos 455 e seguintes da nova Lei de axuizamento civil. Sen prexuízo do disposto nos artigos 777 e concordantes da Lei de axuizamento civil de 1881, notifíqueselle esta sentencia ó cónxuxe rebelde de acordo co ordenado no artigo 769 da dita lei.
Firme esta resolución lévese a cabo a oportuna anotación no Rexistro Civil de Viveiro onde consta inscrito o matrimonio (tomo 37, folio 63, da sección segunda); e quedando nas actuacións certificación delas, inclúase a presente no libro de sentencias.
Así, por esta miña sentencia, da que se levará testemuño para a súa incorporación ós autos, pronúncioa, mándoa e asínoa. Marta Canales Gantes. Xuíza. Asinado. Rubricado».
E como consecuencia do paradoiro descoñecido do demandado Eduardo Agustín Cometto Balaguer, esténdese este edicto para que sirva de cédula de notificación.
Viveiro, 10 de xullo de 2001.
O/a secretario
Rubricado