Na resolución do Instituto Galego de Consumo do 19 de abril de 2002, pola que se convocan axudas ás corporacións locais para actividades de información, educación e defensa do consumidor e usuario para o ano 2002 (DOG nº 82, do 29 de abril), establécese como data límite para a xustificación da subvención o 20 de novembro deste ano e, tendo en conta que o elevado número de solicitudes presentadas motivaron un longo proceso de avaliación dos proxectos que comprenden as citadas axudas debido á súa complexidade, considérase necesario amplia-lo prazo de execución e xustificación deste tipo de axudas.

En consecuencia, en uso das atribucións que me foron concedidas,

DISPOÑO:

Artigo único.-Amplia-lo prazo para a execución e xustificación das axudas concedidas a corporacións locais ó abeiro da resolución do Instituto Galego de Consumo do 19 de abril de 2002, pola que se convocan axudas a corporacións locais para actividades de información, educación e defensa do consumidor e usuario para o ano 2002, ata o día 31 de decembro de 2002.

Santiago de Compostela, 26 setembro de 2002.

Víctor Tello Calvo

Presidente do Instituto Galego de Consumo

CONSELLERÍA DA PRESIDENCIA, RELACIÓNS INSTITUCIONAIS

E ADMINISTRACIÓN PÚBLICA