Jaime Balado Yáñez, secretario xudicial do Xulgado do Social número dous da Coruña, dou fe e testemuño, que en autos seguidos perante este Xulgado do Social número dous da Coruña, tramitados baixo o número 543/2002 a instancia de Mercedes Pailos Castro, intervindo o Fogasa contra a empresa Jorge Antonio Fernández Leiro, sobre despido, dictouse a seguinte sentencia:
«Na cidade da Coruña, 10 de setembro de 2002, Jorge Hay Alba, maxistrado-xuíz do Xulgado do Social número dous desta cidade, viu os presentes autos de xuízo número 543/2002, seguidos por instancia de Mercedes Pailos Castro, maior de idade, asistida polo letrado Francisco Valiño Ferreiro, intervindo o Fondo de Garantía Salarial, representado e asistido pola letrada Enma Pérez Díez del
Corral, empresa Jorge Antonio Fernández Leiro, que non compareceu nos autos, sendo o obxecto da reclamación, despido.
Seguen feitos e fundamentos de dereito.
Decido que debo estimar e estimo a demanda interposta por Mercedes Pailos Castro, intervindo o Fogasa, debo declarar e declaro, improcedente o despido efectuado pola empresa Jorge Antonio Fernández Leiro e extinguida a relación laboral, condenando a empresa ó aboamento de 3.755,81 euros en concepto de indemnización.
Notifíqueselles esta resolución ás partes ás que se fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo se o recorrente non goza do beneficio da xustiza gratuíta, deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade co número de conta 5.603, clave 60, facendo constar no ingreso o número do expediente.
E así mesmo deberá no momento de interpo-lo recurso consignar a cantidade de 150,25 euros en concepto de depósito na clave 65 da citada conta e expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que sirva de notificación á empresa Jorge Antonio Fernández Leiro, mediante a súa publicación no Diario Oficial de Galicia, que ten o seu enderezo descoñecido, expido e asino a presente notificación na Coruña, 10 de setembro de 2002.
O secretario xudicial
Rubricado