De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións

públicas e do procedemento administrativo común e no Decreto 14/2002, do 24 de xaneiro (DOG do 6 de febreiro), polo que se establece a estructura orgánica da Consellería de Medio Ambiente, notifícaselles ás persoas que no anexo se mencionan que, con esta data, resolvín publica-lo acordo de iniciación do procedemento sancionador por infracción da Lei 10/1998, do 21 de abril, de residuos, (BOE nº 96, do 22 de abril), por non ser posible a notificación a través do servicio de correos.

Nómease instructor deste procedemento a Luis Quiroga Arnal e secretaria a Paloma Quiroga López, funcionarios desta delegación provincial, podendo ser recusados en calquera momento da tramitación do expediente de concorre-los supostos legais.

Os interesados disporán dun prazo de quince días (15), contados a partir do seguinte ó da publicación desta notificación, para achegar, por escrito, cantas alegacións, documentos, informacións ou propostas de probas consideren convenintes en defensa dos seus dereitos.

Conforme o establecido no artigo 13.2º do Regulamento de procedemento para o exercicio da potestade sancionadora, do 4 de agosto de 1993, de non efectuarse alegacións no prazo anterior, este acordo de iniciación poderá ser considerado proposta de resolución, determinándose para estes efectos o importe da sanción.

O pagamento voluntario porá fin ó expediente. Para efectualo deberá emprega-los impresos normalizados que lle serán facilitados nesta Delegación Provincial de Lugo, sita na Ronda da Muralla, nº 70-2º baixo.

O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).

Lugo, 30 de maio 2002.

Luis González Vázquez

Delegado provincial de Lugo

ANEXO

Expediente: ESCA 100/2002-LU.

Denunciado: Javier Ríos Freire.

DNI: 33836861-C.

Enderezo: rua Río Narla, nº 32-1º esq., Lugo.

Feito denunciado: abandonar no monte das Gándaras de Lugo, 30 cubertas de motocicletas, varias latas de aceite, plásticos, botes de silicona e diversa roupa usada ocasionando deterioración e degradación das condicións ambientais.

Precepto sancionador: artigo 34.3º b) da Lei 10/1998, de residuos.

Cualificación: grave.

Sanción: 6.010,13 euros.