A Consellería de Educación e Ordenación Universitaria, na Orde do 22 de febreiro de 2002 (DOG do 21 de marzo), de convocatoria de axudas eco
nómicas para os proxectos e os traballos dos equipos de normalización lingüística dos centros privados (concertados e non concertados) da Comunidade Autónoma de Galicia de educación infantil, especial, de adultos, primaria, secundaria, bacharelato e formación profesional, no seu artigo 10, sinala que cada equipo de normalización, coa conformidade da dirección do centro, terá que lles remitir ós gabinetes de Normalización Lingüística das delegacións provinciais da Consellería de Educación e Ordenación Universitaria a memoria das actividades realizadas e os xustificantes dos gastos para os que se lles concedeu a axuda, antes do 30 de setembro de 2002.
O atraso involuntario do aboamento destas axudas e as circunstancias que concorren no inicio do curso lectivo aconsellan prorrogar este prazo, polo que a Consellería de Educación e Ordenación Universitaria, a través da Dirección Xeral de Política Lingüística,
RESOLVE:
Prorroga-la data ata o 15 de novembro de 2002 para a entrega da memoria de actividades e xustificantes de gastos, á que se refire o artigo 10 da Orde do 22 de febreiro de 2002 (DOG do 21 de marzo) pola que se anuncia a convocatoria de axudas económicas para os proxectos e os traballos dos equipos de normalización lingüística dos centros privados (concertados e non concertados) da Comunidade Autónoma de Galicia de educación infantil, especial, de adultos, primaria, secundaria, bacharelato e formación profesional.
Santiago de Compostela, 19 de setembro de 2002.
Xesús P. González Moreiras
Director xeral de Política Lingüística