De conformidade co artigo 326 da Lei 7/1995, da Administración local de Galicia, anúnciase o seguinte edicto de contratación por concurso para a adxudicación de axuda no fogar.
Prezo de licitación: o prezo de cada hora do contrato será como máximo de 7,78 A, incluído IVE, garantíndose un número mínimo de 322 horas mes de prestación. Esta cantidade é para aboar durante o período do contrato, que será ata o 31 de decembro de 2002, e poderá ser prorrogado no exercicio 2003 e seguintes, sempre que exista crédito suficiente nos orzamentos dos correspondentes exercicios, sempre que non exista denuncia expresa das partes contratantes do xeito recollido no prego. En todo caso cada ano o prezo verase unicamente incrementado polo IPC correspondente.
As proposicións referidas á expresada licitación poderán presentarse:
Nas oficinas deste concello no prazo de 13 días naturais a partir da publicación do correspondente edicto no BOP, podéndose examinar nelas o prego de condicións e demais condicións do referido concurso.
Tui, 14 de setembro de 2002.
Antonio F. Fernández Rocha
Alcalde