Unha vez aprobada inicialmente polo pleno deste concello a modificación puntual do Plan Xeral de Ordenación Municipal da Peroxa (Finca Villermá), sométese a información pública durante o prazo dun mes, contados a partir da inserción deste anuncio no DOG.

Durante o devandito prazo poderá ser examinado por calquera persoa física ou xurídica, na secretaría do concello en horario de oficina, para formula-las alegacións ou observacións que coiden pertinentes.

Quedan suspendidas as licencias urbanísticas naquelas áreas do territorio municipal nas que as novas determinacións supoñan modificación do réxime urbanístico vixente. O prazo da suspensión é dun ano.

A Peroxa, 12 de setembro de 2002.

Manuel Seoane Rodríguez

Alcalde