A Delegación Provincial da Consellería de Medio Ambiente resolve convoca-la poxa de madeira nº 1/2002, de acordo coas seguintes características:
1. Obxecto: o alleamento dos lotes de madeira que figuran na relación anexa.
2. Fianza provisional: a que figura na citada relación para cada un dos lotes.
3. Exposición de pregos: estarán de manifesto no Servicio de Montes e Industrias Forestais desta delegación (edificio administrativo de Monelos, praza Luis Seoane s/n, 5º andar, A Coruña), de 9 a 14 horas, durante o prazo de presentación de proposicións.
4. Prazo de presentación das proposicións: vinteseis (26) días naturais, contados desde o día seguinte ó da publicación deste anuncio. Se o día de remate cadra en sábado, o prazo rematará o luns seguinte.
5. Lugar de presentación das proposicións: no rexistro da delegación provincial (edificio administrativo Monelos, 5º andar), na forma legalmente establecida (artigo 100 RXC).
6. Documentación que van presenta-los licitadores: a que se sinala no prego de cláusulas administrativas particulares.
7. Apertura de proposicións: ás 10 horas do décimo día hábil seguinte ó remate do prazo de presentación das proposicións, que non cadre en sábado. O lugar publicarase no taboleiro de edictos do Servicio de Montes e Industrias Forestais, e no rexistro da delegación, partir do día seguinte ó da publicación deste anuncio.
8. Gastos de publicación: por conta dos adxudicatarios.
9. Información sobre esta poxa: teléfono 981 18 46 63.
O adxudicatario, dentro dos vinte (20) días seguintes ó da data da notificación da adxudicación, deberá presenta-los documentos acreditativos de ter depositado:
a) Importe da adxudicación, prezo total do remate.
b) Importe das taxas.
c) Importe dos gastos deste anuncio.
d) Fianza definitiva, 4% sobre o importe da adxudicación, máis unha fianza complementaria do 6% do prezo de adxudicación (artigo 4.2º do Decreto 244/1998, do 24 de xullo).
e) IVA, 8% sobre o importe da adxudicación se están acollidos ó réxime especial agrario, a porcentaxe que corresponda se está acollido ó réxime xeral que aplica á propiedade do monte.
f) Os demais que se establezan no prego de cláusulas administrativas particulares do aproveitamento.
A Coruña, 24 de xullo de 2002.
Higinio J. Sánchez-Rodilla Fuentes
Delegado provincial da Coruña
