O Pleno do Concello de Vigo, en sesión do 2 de setembro de 2002, adoptou o acordo de clarificar e rectifica-lo erro material detectado na memoria do PERI C-SU-UA 6-Sensat, no punto Condicións particulares de ordenación das zonas D e E, punto C. Condicións de uso (páxinas C7 e C9) no sentido de precisar como posibles, no subpunto. 2. Garaxe aparcamento. 1. Anexo a outros usos, as categorías 1, 2, 3 e 4 (expte. 4104/411).

De conformidade co artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio do presente anuncio, notifícase o acordo que nel se contén a tódolos/as propietarios/as afectados/as descoñecidos/as, de ignorado enderezo, respecto dos cales non se puido practica-la notificación intentada.

Contra o devandito acordo que pon fin á vía administrativa poderá interpoñerse o seguinte recurso:

a) Recurso contencioso-administrativo ante o Tribunal Superior de Xustiza de Galicia, no prazo de dous meses a contar desde o día seguinte ó de publicación deste anuncio, de acordo co artigo 8 da Lei 29/1988, do 13 de xullo, reguladora da xurisdicción contencioso-administrativa.

Vigo, 11 de setembro de 2002.

Lois Pérez Castrillo

Alcalde presidente da Xerencia Municipal

de Urbanismo