O Consello da Xerencia Municipal de Urbanismo, en sesión do 21 de xuño de 2002, adoptou, entre outros, o seguinte acordo:

Primeiro.-Estimar totalmente, estimar parcialmente e desestima-las alegacións interpostas durante o trámite de información pública no procedemento de referencia, no sentido e polos motivos que se precisan na parte expositiva deste acordo e se recolle xa na última versión do proxecto de urbanización.

Segundo.-Aprobar definitivamente o proxecto de urbanización da rúa Pedro Alvarado e do Camiño de Maceiras (Teis-acceso a Vulcano), redactado pola Oficina Municipal de Actuacións Viarias e asinado polo enxeñeiro Santiago López Fontán, na súa última versión, de maio de 2002 (expediente 4319/401).

Terceiro.-No momento inmediatamente anterior ó do inicio das obras, efectuarase un replanteo destas en coordinación cos técnicos do Departamento de Vías e Obras do concello. Tamén debe comunicarse o inicio e finalización das obras ó departamento municipal de Servicios Electromecánicos, para a comprobación da rede de iluminación pública.

Cuarto.-Remítaselle un exemplar do proxecto de urbanización á Administración autonómica para que inicie os trámites de licitación e adxudicación das obras.

Quinto.-Notifíqueselles o contido íntegro deste acordo ós alegantes, propietarios do ámbito e demais interesados, coa advertencia de que contra el cabe

interpor, alternativamente, recurso de reposición ante esta Administración municipal no prazo dun mes, ou recurso contencioso-administrativo ante o Tribunal Superior de Xustiza de Galicia no prazo de dous meses. Notifíquese tamén á CPTOPV da Xunta de Galicia e ós departamentos municipais de Vías e Obras, Servicios Electrodomésticos, Parques e Xardíns e Actuacións Viarias. Publíquese no BOP e no Diario Oficial de Galicia.

De conformidade co artigo 59 da Lei 30/1992, do 26 de novembro, LRXAP-PAC, por medio do presente anuncio notifícaselle-lo acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.

Vigo, 21 de agosto de 2002.

Xabier Toba Girón

Alcalde-presidente accidental

da Xerencia Municipal de Urbanismo