Por resolución da Alcaldía, do 13 de setembro de 2002, aprobouse o prego de cláusulas administrativas particulares, por medio de concurso con procedemento aberto e trámite de urxencia, para a contratación da obra, incluído o proxecto técnico da construcción da estructura do edificio para centro socio cultural, xuvenil e da terceira idade.
A través deste anuncio exponse ó público o prego de cláusulas administrativas particulares para que durante o prazo de 8 días hábiles, contados a partir do día seguinte ó da súa publicación, se poidan presenta-las reclamacións que se consideren oportunas contra este que, de se presentaren, serán resoltas polo mesmo órgano que o aprobou.
Ó mesmo tempo, e para o caso de que non se presenten, convócase licitación de acordo coas seguintes condicións:
1. Entidade adxudicadora: Concello de Rianxo.
2. Proxecto: contratación da estructura do edificio para centro socio cultural, xuvenil e da terceira idade.
3. Orzamento base de licitación: 384.648,004 (IVE incluído).
4. Prazo de execución: 6 meses. Antes do día 10 de novembro de 2002, o adxudicatario deberá xustifica-lo investimento de 228.384,60 A.
5. Clasificación: grupo C, subgrupos 2 e 3, categoría D.
6. Tramitación: urxente; procedemento: aberto; forma de adxudicación: concurso.
7. Obtención de documentación e información: Secretaría do Concello de Rianxo, das 9 ás 12 horas.
8. Lugar e prazo de presentación de ofertas: rexistro xeral do concello, das 9 ás 14 horas, dentro dos 13 días naturais contados a partir do seguinte ó da publicación do último anuncio no BOP ou DOG.
9. Garantías:
a) Provisional: non se esixe.
b) Definitiva: 4% do prezo de adxudicación.
10. Apertura de ofertas: o terceiro día hábil seguinte a aquel no que remate o prazo de presentación de ofertas no Concello de Rianxo, ás 20 horas (agás sábados).
11. Pregos: serán aplicables a este procedemento o prego-tipo de cláusulas administrativas particulares da deputación e os seus anexos publicados no BOP nº 205, do 6-9-2002, e o cadro de características específico da obra.
O importe dos anuncios será por conta do adxudicatario.
Rianxo, 13 de setembro de 2002.
Pedro Piñeiro Hermida
Alcalde