O Pleno da Corporación, en sesión extraordinaria que tivo lugar o día 10 de setembro de 2002, acordou aprobar inicialmente o Plan Xeral de Ordenación Municipal do Concello de Rianxo, dispoñendo someter a información pública a documentación integrante do dito plan polo prazo dun mes contado desde o día seguinte ó da publicación deste anuncio no DOG. Durante o dito prazo calquera entidade ou
persoa interesada poderá coñecer e examina-la documentación integrante no PXOM nas dependencias municipais, e presenta-los escritos de alegacións que coiden convenientes.
Conforme o acordo de aprobación inicial, non se suspenden as licencias contrarias ás previsións da nova ordenación por non transcorre-lo prazo de cinco anos previsto no artigo 34.4º da Lei 1/1997, do 24 de marzo, do solo de Galicia, desde a anterior suspensión das licencias con idéntica finalidade, adoptada polo pleno na sesión ordinaria do 2 de xuño de 1998.
Rianxo, 11 de setembro de 2002.
Pedro Piñeiro Hermida
Alcalde