Mediante escrito de data 1 de xullo de 2002 Mª del Carmen González Raposo manifesta a súa vontade de doarlle ó Servicio Galego de Saúde da Comunidade Autónoma de Galicia a cantidade de 600 euros con destino ó Hospital Psiquiátrico de Conxo.

Conforme o artigo 17.1º da Lei 3/1985, do 12 de abril, do patrimonio da Comunidade Autónoma, requírese decreto do Consello da Xunta de Galicia para a adquisición de bens a título gratuíto.

En cumprimento do disposto na Lei 3/1985, do 12 de abril, do patrimonio da Comunidade Autónoma, de conformidade coa proposta do conselleiro de Sanidade e presidente do Servicio Galego de Saúde e logo de deliberación do Consello da Xunta de Galicia, na súa reunión do día seis de setembro de dous mil dous,

DISPOÑO:

Artigo único.-Acéptase a doazón da cantidade de 600 euros ofrecida por Mª del Carmen González Raposo mediante escrito de data 1 de xullo de 2002.

A devandita cantidade acéptase segundo o establecido na normativa en materia patrimonial da Comunidade Atónoma e destinarase ó Hospital Psiquiátrico de Compostela, dependente do Complexo Hospitalario Universitario de Santiago de Compostela, para adquisición de material de uso e desfrute das unidades de adaptación ou do centro de día, de acordo coa vontade do doante.

Disposición final

O Servicio Galego de Saúde, a través do seu órgano competente, levará a cabo os trámites necesarios para a efectividade de canto se dispón neste decreto.

Santiago de Compostela, seis de setembro de dous mil dous.

Manuel Fraga Iribarne

Presidente

José María Hernández Cochón

Conselleiro de Sanidade e presidente do Servicio

Galego de Saúde