Esta alcaldía, en virtude das atribucións que lle confire a lexislación vixente, acorda aproba-la convocatoria das actas de pagamento do prezo xusto dos bens e dereitos incluídos no ámbito do expediente expropiatorio da actuación industrial Río do Pozo, sector II, en Narón (A Coruña).

Na sesión do 30 de marzo de 2001, o Pleno do Concello de Narón acordou aprobar definitivamente a relación dos bens e dereitos afectados polo expediente de expropiación forzosa da actuación industrial Río do Pozo (sector II) en Narón (A Coruña) que inclúe os predios nº 200-01 e 206.

Con data do 24 de maio de 2001, e logo de consignación das cantidades correspondentes ós depósitos previos e indemnizacións polo prexuízos derivados da rápida ocupación, levantouse acta de ocupación dos referidos predios.

Con data do 23 de xullo de 2002, o Xurado Provincial de Expropiación Forzosa da Coruña resolveu fixa-los prezos xustos dos predios nº 200-01 e 206, polo que se convocan, de acordo co disposto nos artigos 48 e seguintes do Regulamento de expropiación forzosa e disposicións concordantes, os afectados polo citado expediente de expropiación o próximo día 25 de setembro de 2002, no Concello de Narón, 3ª planta, co fin de proceder ó pagamento dos prezos xustos acordados en metálico, ós que comparezcan e acrediten debidamente a titularidade sobre os dereitos e bens afectados ou no seu defecto, e de conformidade co artigo 51 do regulamento da Lei de expropiación forzosa, á súa consignación na Caixa Xeral de Depósitos do Ministerio de Economía e Facenda.

De acordo co disposto no artigo 49.4º do Regulamento de expropiación forzosa , a tal acto deberán asisti-los titulares e non se admitirá representación se non é por medio de poder debidamente autorizado, xa sexa xeral, xa especial, para este caso.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, de modificación da anterior, para os titulares descoñecidos ou dos que se ignore o seu domicilio.

Nº de predio: 200-01.

Titular: Hnos. Fernández Robles.

Hora: 12.15.

Nº de predio: 206.

Titular: descoñecido.

Hora: 12.30.

Narón, 12 de setembro de 2002.

Juan Gato Díaz

Alcalde

Alfonso de Prado Fernández Canteli

Secretario xeral