Convocada a provisión, polo sistema de libre designación, dun posto de traballo vacante na Consellería de Economía e Facenda, pola Orde do 12 de xullo de 2002 (Diario Oficial de Galicia nº 140, do 22 de xullo), en uso das facultades e atribucións conferidas pola Ley 4/1988, do 26 de maio, da función pública de Galicia, no seu artigo 15.4º e de conformidade co disposto no artigo 27 da referida lei, modificado polo artigo 6 da Lei 3/1995, do 10 de abril, visto o Decreto 93/1991, do 20 de marzo, e demais normativa vixente, esta consellería
DISPÓN:
Primeiro.-Designa-la funcionaria que se cita no anexo desta orde para ocupa-lo posto que así mesmo se sinala.
Segundo.-O cesamento no actual destino efectuarase segundo o prazo previsto no artigo 14 do Decreto 93/1991, do 20 de marzo, nos tres días seguintes ó da publicación desta orde no Diario Oficial de Galicia. A toma de posesión deberá facerse no prazo de tres días a partir do seguinte ó do cesamento ou no dun mes, segundo proceda, de conformidade co disposto no referido artigo.
Terceiro.-A xefatura de persoal do centro onde cause alta a funciaria efectuará, dentro dos prazos sinalados anteriormente, a dilixencia de toma de posesión, e seguidamente serán realizados os trámites para a súa alta en nómina.
Das dilixencias efectuadas serán remitidas copias á Dirección Xeral da Función Pública e á Inspección Xeral de Servicios.
Cuarto.-Contra a presente orde, que esgota a vía administrativa, os interesados/as poderán interpoñer, potestativamente, recurso de reposición ante este mesmo órgano no prazo dun mes, contado a partir do día seguinte ó da súa pubblicación no Diario Oficial de Galicia; de coformidade co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, ou directamente recurso contencioso-administrativo, no prazo de dous meses desde a mesma data, perante o Xulgado do Contencioso-Administrativo da circunscrición na que teña o seu enderezo o demandante, ou ben no da Coruña, á súa elección, conforme os artigos 8, 14 e 46 da Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 11 de setembro de 2002.
P.D. (Orde 13-12-1993)
Emilio Álvarez Rey
Secretario xeral e do Patrimonio da Consellería
de Economía e Facenda
ANEXO
Apelidos e nome: Peleteiro Estévez, María.
NRP: 3531347846 A205F.
Grupo: B.
Denominación do posto: xefa de Servicio de Supervisión e Inspección das Entidades e Mediadores de Seguros.
Código do posto: EFC060000115770020.
Nivel: 28.
Centro directivo ou dependencia: Dirección Xeral de Política Financeira e Tesouro.
Localidade: Santiago de Compostela.