De conformidade co establecido no decreto da Alcaldía do 11 de setembro de 2002, procede:

Primeiro.-Corrixi-lo erro detectado no prego de condicións económico-administrativas do concurso para o alleamento das parcelas 6 e 7 do proxecto de reparcelación do polígono 2 do SUP-5 da Choupana, de tal forma que no parágrafo terceiro do punto «Obxecto do contrato» que fai referencia ó aproveitamento da parcela nº 6, onde di: «... Correspóndelle un aproveitamento de 2.936 m c e un número máximo de 26 vivendas libres ou de 39 vivendas protexidas», debe dicir: «... Correspóndelle un aproveitamento de 2.936 m c e un número máximo de 26 vivendas libres ou de 32 vivendas protexidas».

Segundo.-Amplia-lo prazo para a presentación de proposicións en 5 días naturais contados desde o 24 de setembro de 2002, data na que finalizaba o prazo inicial, de tal xeito que o prazo límite para a presentación de ofertas será o 30 de setembro de 2002.

Terceiro.-O anuncio orixinario desta contratación, publicouse no BOP de data 22-8-2002 e no DOG do 29 de agosto.

Santiago de Compostela, 12 de setembro de 2002.

José A. Sánchez Bugallo

Alcalde