O expediente de expropiación forzosa dos bens e dereitos que se precisan ocupar para a execución do Plan parcial do SUNP-2 Salgueiriños, no concello de Santiago de Compostela, foi aprobado conforme
o artigo 145 da Lei 1/1997, do solo de Galicia, e a Orde do 30 de decembro de 1999, polo director xeral de Urbanismo, con data do 5 de xuño de 2002. Segundo o establecido no artigo 146.1º da Lei 1/1997, do solo de Galicia, o acordo de aprobación definitiva do expediente de taxación conxunta implicará a declaración de urxencia da ocupación dos bens e dereitos afectados.
Na súa virtude, acórdase que o Instituto Galego da Vivenda e Solo proceda a verifica-lo aboamento ou, se é o caso, a consignación dos prezos xustos dos bens e dereitos afectados o día 10 de outubro de 2002, ás 10 horas, no salón de actos do IGVS. O que terá lugar en cumprimento do disposto no artigo 38 da Lei 6/1998, do 13 de abril, de réxime do solo e valoracións, o artigo 146.2º e 3º da Lei 1/1997, do solo de Galicia, o artigo 202 e seguintes do Regulamento de xestión urbanística aprobado polo Real decreto 3288/1978, do 25 de agosto, e artigo 48 e seguintes do Regulamento de expropiación forozosa, do 26 de abril de 1957.
Ó devandito acto convócase a:
de predio (m) euros
Nº
Propietario Superficie
Valoración
9 Herdeiros de José Vilar Vilar 4.227 161.570,60
18 Peregrina Álvarez García e herdeiros de Casimiro Beiras Sonería 463 17.697,47
19 Manuel Raúl Iglesias Vilar 3.755 143.529,13
20 Manuel Raúl Iglesias Vilar, Isabel Taboada Castiñeiras, José Mosquera Brey 1.006,5 38.471,91
68 Herdeiros de Manuel García Casas 1.270 48.543,80
79 Herdeiros de José Vilar Vilar e Ramona Montero González 972 37.153,21
82 Herdeiros de José Vilar Vilar e Ramona Montero González 1.525 58.290,79
O que se fai público para xeral coñecemento, advertindo que o pagamento se lles fará a aqueles interesados que acheguen certificación rexistral ó seu favor, na que conste terse extendido a nota do artigo 32 do Regulamento hipotecario ou, no seu defecto, presenten os títulos xustificativos do seu dereito, completados por certificación negativa do Rexistro da Propiedade referidas ó mesmo predio descrito en tales títulos, conforme o artigo 205 do Regulamento de xestión urbanística aprobado polo Real decreto 3288/1978, do 25 de agosto.
Non se admitirá representación senón por medio de poder debidamente autorizado, xa sexa xeral, xa sexa particular para este caso, debendo achega-la documentación necesaria para acredita-la sucesión no caso de ser herdeiros. Así mesmo, os comparecentes deberán identificarse co documento nacional de identidade ou, no seu lugar, polo coñecemento directo que testemuñen o alcalde ou secretario do concello.
Notifíqueselle-la resolución a tódolos titulares dos bens e dereitos que figuran no expediente, e publí
quese o presente acordo no DOG, no BOP e no taboleiro de edictos do concello. A publicación desta resolución serviralles de notificación ós propietarios descoñecidos, dos que se ignore o lugar de notificación, ou ben, tentada a notificación, non se puidera realizar. Todo isto de acordo co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999 (BOE do 14 de xaneiro).
Santiago de Compostela, 6 de setembro de 2002.
José Antonio Redondo López
Director xeral do Instituto Galego
da Vivenda e Solo
