A Orde do 12 de abril de 2002, da Consellería de Familia e Promoción do Emprego, Muller e Xuventude, establece que o financiamento das axudas previstas nela farase con cargo ós créditos dos programas 14.03.241B 440.0 (323.459 A), 14.03.241B 470.0 (282.424 A), 14.03.241B 472.0 (1.249.472 A), 14.03.241B 480.0 (631.036 A) e
14.03.241B.482.0 (1.439.597 A) que figuran na Lei de orzamentos xerais da Comunidade Autónoma para o ano 2002, e que constitúe o importe global máximo que se destina para estas subvencións.
Unha vez rematado o prazo de presentación de solicitudes que se establece na citada orde, moitas entidades solicitantes quedaron sen programación por falta de crédito dispoñible para financia-las accións formativas solicitadas por elas.
Por outra banda, nas aplicacións orzamentarias 14.03.241B.480.0 e 14.03.241B.470.0 existe un crédito de 60.000 euros en cada unha delas que non se incluíu nos créditos dispoñibles para esta orde, e agora, unha vez vistas as solicitudes presentadas, e tendo en conta as necesidade de crédito, considérase necesario modifica-la Orde do 12 de abril de 2002 e incluír nela esta cantidade para financiarlles accións formativas ás entidades que presentaron solicitude ó amparo desta orde.
De acordo con todo o expresado anteriormente, considérase necesario dictar unha modificación da Orde do 12 de abril de 2002.
Consecuentemente con todo o anterior, consultados o Consello Galego de Relacións Laborais e o Consello Galego de Formación Profesional, en exercicio das facultades que me confire o artigo 34 da Lei 1/1983, do 22 de febreiro, reguladora da Xunta de Galicia e do seu presidente,
DISPOÑO:
Capítulo I
Disposicións xerais
Artigo único.-O importe que se poderá imputar a financia-las accións formativas do Fondo Social Europeo nas aplicacións orzamentarias 14.03.241B.480.0 e 14.03.241B.470.0 increméntanse en 120.000 euros, 60.000 euros cada unha delas, por existir crédito suficiente.
Disposicións derradeiras
Primeira.-Autorízase o director xeral de Formación e Colocación para dictar, no ámbito das súas competencias, as resolucións e instruccións necesarias para o desenvolvemento e execución desta disposición.
Segunda.-Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 3 de setembro de 2002.
Manuela López Besteiro
Conselleira de Familia e Promoción do Emprego,
Muller e Xuventude
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA