Aprobados pola Comisión de Goberno deste Concello, en sesión que tivo lugar o día 27 de agosto de 2002, os pregos de cláusulas administrativas particulares que rexerán na contratación, polo procedemento aberto e sistema de concurso, das obras de proxecto de acondicionamento e mellora de acceso ós núcleos de San Roque e San Miguel expóñense ó público polo prazo de oito días hábiles contados desde a inserción deste anuncio no BOP e no Diario Oficial de Galicia, e para os efectos previstos no artigo 122.1º do R.D.L. 781/1986, do 18 de abril.

Declarada a urxencia do procedemento de contratación de conformidade co establecido no artigo 71 do R.D.L. 2/2000 e 322 da Lei 5/1997, do 22 de xullo, e con base no disposto no artigo 122.2º do R.D.L. citado, anúnciase ó mesmo tempo que os pregos de cláusulas administrativas particulares, a licitación das obras, que quedará aprazada se houbese reclamacións, ata a súa resolución.

1. Obxecto do contrato: execución da obra proxecto de acondicionamento e mellora de acceso ós núcleos de San Roque e San Miguel.

2. Tramitación, procedemento e forma de adxudicación:

a) Tramitación: urxente.

b) Procedemento: aberto.

c) Forma: concurso.

3. Orzamento base de licitación: 62.798 euros, de acordo coa seguinte desagregación:

Orzamento de execución material: 45.492,61 euros.

Gastos xerais: 5.914,04 euros.

Beneficio industrial: 2.729,56 euros.

IVE: 8.661,79 euros.

4. Garantías:

a) Provisional: 1.255,96 euros.

b) Definitiva: 4% do importe da adxudicación.

5. Obtención da documentación: o proxecto técnico e o prego de cláusulas administrativas estarán á disposición de tódolos interesados no Negociado de Urbanismo e Contratación, sito na praza Condes de Fenosa, 1, en horario das 9 ás 14 horas.

6. Prazo de presentación das proposicións: trece días naturais seguintes á publicación do anuncio no último dos boletíns oficiais (Diario Oficial de Galicia e BOP). No caso de que o día décimo terceiro coincida en sábado, domingo ou festivo, entenderase o prazo prorrogado ata o día laborable seguinte.

7. Gastos de publicidade: serán pola conta do adxudicatario.

8. Clasificación do contratista: non se esixen.

9. Máis información:

Teléfono: 982 54 50 70.

Fax: 982 54 51 04.

Portomarín, 27 de agosto de 2002.

Eloy Rodríguez López

Alcalde-presidente