O 29 de novembro de 2001 o Consello da Xunta acordou aprobar definitivamente como plan sectorial

de incidencia supramunicipal o Plan Sectorial Hidroeléctrico das Concas de Galicia Costa que fora declarado, por acordo do 10 de maio de 2001, de incidencia supramunicipal para os efectos previstos na Lei 10/1995, do 23 de novembro, de ordenación do territorio de Galicia e no Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal.

A Sociedade Eléctrica de Touro, S.L. presentou para a súa tramitación e en desenvolvemento do Plan Sectorial Hidroeléctrico das Concas de Galicia Costa un proxecto sectorial relativo ó aproveitamento hidroeléctrico no río Lañas outorgado ó seu favor mediante resolución de Augas de Galicia do 24 de setembro de 1998.

Así pois, de conformidade co procedemento legalmente establecido e en cumprimento do disposto nos artigos 25.3º da mencionada Lei 10/1995 e 13.2º do Decreto 80/2000, sométese a información pública o referido proxecto sectorial co fin de que toda persoa física ou xurídica que se considere interesada no expediente de referencia poida examina-lo citado proxecto, en horas hábiles de oficina, nas dependencias do organismo autónomo Augas de Galicia en Santiago de Compostela (praza de Vigo, 2, 15701 Santiago de Compostela) podendo presentar, perante a presidencia de Augas de Galicia, as alegacións que se consideren oportunas no prazo dun mes contado desde o día seguinte ó da última das publicacións da presente resolución no Diario Oficial de Galicia ou no diario La Voz de Galicia.

Santiago de Compostela, 15 de xullo de 2002.

Francisco Pan-Montojo González

Presidente do ente público Augas de Galicia