Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 931/2001, por instancia de José Francisco Martínez Loureda, contra Construcciones Landro, S.L., sobre salarios, nos que se dictou a sentencia en data que, copiada nos particulares necesarios, di así:
«Fallo que, estimando a demanda promovida por José Francisco Martínez Loureda contra la empresa Construcciones Landro, S.L., debo condenar e condeno a demandada que aboe ó demandante a cantidade de 3.269,93 euros por tódolos conceptos reclamados na demanda.
Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia, no prazo de cinco días contados do seguinte á súa notificación, anunciando o propósito de promovelo mediante comparecencia o por escrito, sendo indispensable que ó tempo de anuncialo, o recorrente, se é empresario, exhiba perante este Xulgado do Social o comprobante de ter depositado no Banco Bilbao Vizcaya, oficina principal desta cidade, na conta corrente deste xulgado, número identificador 5.605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, sen este requisito non poderá terse por anunciado o recurso e quedará firme a sentencia. Débese consignar, ademáis, a cantidade de 25.000 pesetas na mesma conta coa clave 65, entregándose o comprobante na secretaría ó tempo de interpoñe-lo
recurso, declarándose desistido de non constituírse o depósito na forma indicada, definitivamente xulgando en primeira instancia pronúncioo, mándoo e asínoo.
Así, por esta miña sentencia, da que e unirá certificación ós autos orixinais para a súa notificación e cumprimento, xulgando pronuncio, mando e asino».
E para que conste, para efectos da súa publicación no Diario Oficial de Galicia, a fin de que sirva de notificación en forma á empresa Construcciones Landro, S.L., expido e asino esta cédula na Coruña, quince de xullo de 2002.
O secretario xudicial
Rubricado