De conformidade co disposto polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro), notificaselle ás personas que nos anexos se mencionan a incoación de expediente sancionador por presuntas infraccións da Lei 10/1998, do 21 de abril, de residuos.

Noméase instructora do expediente a Rita Sarria Hermida-Cachalvite, funcionaria desta delegación; o réxime de recusación é o establecido nos artigos 28 e 29 da Lei 30/1992.

Para os efectos previstos na Lei de réxime xurídico das administracións públicas e do procedemento administrativo común, os expedientados disporán dun prazo de quince (15) días hábiles, contados a partir do seguinte ó da publicación desta notificación, para poderen examina-los expedientes nesta delegación provincial, sita na rúa do Paseo, 18-5º, e achegaren as alegacións, os documentos e as informacións que consideren convenientes na súa defensa e, se for o caso, faceren proposta de proba concretando os medios de que pretenden valerse.

De non efectuaren alegacións no prazo fixado, este acordo de incoación poderá ser considerado proposta de resolución, conforme o establecido no artigo 13.2º do Regulamento para o exercicio da potestade sancionadora, aprobado polo Real decreto 1398/1993, do 4 de agosto.

Ourense, 17 de xullo de 2002.

Agustín Prado Verdeal

Delegado provincial de Ourense

ANEXO

Expediente: OU-35/02 RE.

Denunciado: Salvador Arnau Figueras.

DNI: 37635324-X.

Último domicilio coñecido: Santa Paula, nº 20, Granada.

Feito denunciado: queima de pneumáticos.

Precepto infrinxido e sancionador: artigo 34.3º b) da Lei 10/1998, do 21 de abril, de residuos.

Cualificación da infracción: leve.

Sanción: multa de 150,25 euros.

Instructora: Rita Sarria Hermida-Cachalvite.