Ó non ser posible a notificación a Covaqui, S.L. e resultar descoñecido o seu novo domicilio, e na súa condición de interesado no expediente de habitabilidade número 16/1999, con relación á vivenda

sita en Oviedo, na rúa San Antonio, nº 8-1º, faise pública a resolución do director xeral de Arquitectura e Vivenda, do 13-5-2002, o texto da cal se transcribe:

«Téndose comprobado, segundo informe realizado polo técnico desta Dirección Xeral de Arquitectura e Vivenda, que non foron executadas por Vde. as obras ordenadas na Resolución do día 9 de decembro de 1999, e tendo en conta o apercibimento de execución forzosa mediante multas coercitivas, de conformidade co disposto no artigo 14 do Decreto 6/1995, do 18 de xaneiro, regulador do réxime xurídico da habitabilidade e dos procedementos administrativos relacionados con ela, e nos artigos 96 e 99 da Lei 30/1992, de réxime xurídico das administracións públicas e do procedemento administrativo común, parcialmente modificada pola Lei 4/1999, do 13 de xaneiro, o director xeral de Arquitectura e Vivenda, en virtude das facultades que ten delegadas polo conselleiro de Infraestructuras e Política Territorial, pola Resolución do 18 de outubro de 1999 (BOPA do 27 de outubro),

RESOLVE:

Primeiro.-Impor unha multa coercitiva de 150,25 euros, que deberá ingresar en efectivo en calquera oficina do Banco Bilbao Vizcaya Argentaria no territorio nacional, a través da conta para a recadación número 0182-5647-04-071015647 3, da oficina institucional de Oviedo, ó se tratar dun ingreso que se debe realizar fóra do territorio da Comunidade Autónoma do Principado de Asturias, e isto nun prazo dun mes, mediante o impreso que se xunta a esta resolución.

Segundo.-Apercibir a Covaqui, S.L. de que, de non efectua-lo ingreso do importe da multa no prazo dun mes, contado a partir da notificación desta resolución, presentando o comprobante do ingreso nesta consellería, procederase á súa exacción pola vía de constrinximento.

Terceiro.-Apercibir, así mesmo, a Covaqui, S.L. de que, se persiste en non dar cumprimento ó ordenado na resolución que motiva a multa coercitiva imposta no prazo dun mes, imporase unha nova multa de 300,51 euros, sen prexuízo de que poderá iniciarse un procedemento sancionador segundo o establecido o artigo 6.2º da Lei 3/1995, do 15 de marzo, de sancións en materia de vivenda».

O que se fai público para os efectos do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, parcialmente modificada pola Lei 4/1999, do 13 de xaneiro.

Oviedo, 12 de xullo de 2002.

Beatriz Rodríguez Díaz

Xefa do Servicio de Promoción e Financiamento

da Vivenda