Obxecto: selección da mellor proposta, en forma de anteproxecto, para a adecuación do mercado de abastos ás novas necesidades, co fin de que o equipo gañador redacte un proxecto básico de rehabilitación do edificio, que faga as veces de plan director nas futuras intervencións.
O orzamento máximo de execución material necesario para desenvolve-las propostas non pode supera-los 3.606.072,63 euros.
Concursantes: poderán concorrer ó concurso arquitectos/as superiores en forma individual ou agrupados en equipos constituídos para o efecto, así como empresas de arquitectos/as e incluso equipos interdisciplinares sempre que, neste último caso, estean representados por un/unha arquitecto/a superior; que non se atopen incursos nalgunha das prohibicións para contratar coa Administración recollidas no artigo 20 do TRLCAP.
Documentación que hai que presentar: é a sinalada na cláusula 5 do prego de bases.
Admisión e data de presentación: poderán participar no concurso de ideas todas aquelas propostas que sexan presentadas no rexistro xeral do concello no prazo de noventa días naturais desde a última publicación destas bases no BOP e no DOG e que cumpran co resto das bases do concurso.
As propostas irán dirixidas ó alcalde do concello, e serán recoñecibles polo lema concurso de ideas para a remodelación da praza de abastos.
Premio: o xurado outorgará un primeiro premio que facultará o gañador para a adxudicación da asistencia técnica, consistente na redacción do proxecto básico das obras.
Así mesmo, o xurado poderá outorgar dous accésit de 3.005,06 euros cada un.
Consulta e documentación: Sección de Contratación do Concello de Santiago de Compostela. Teléfono: 981 54 30 33. Fax: 981 57 76 27.
Santiago de Compostela, 14 de agosto de 2002.
Encarnación Otero Cepeda
Alcaldesa en funcións