De conformidade co disposto no artigo 59.4º da Lei 30/1992, do 26 de novembro (BOE do 27 de novembro), de réxime xurídico das administracións públicas e do procedemento administrativo común, notifícaselle á sociedade relacionada a continuación (que non puido ser notificada no último enderezo coñecido que así mesmo se indica) a resolución do expediente sancionador 27070/02, por infracción en materia de defensa do consumidor.

Contra a dita resolución cabe interpoñer recurso de alzada ante o presidente do Instituto Galego de Consumo (praza de Europa, 10-A, 2º-2ª, edificio Área Central, As Fontiñas, 15703 Santiago de Compostela) no prazo dun mes contados a partir do seguinte día ó da notificación. Se non fose recorrida no devandito prazo, a sanción devirá firme e executiva, e poderá facerse efectiva, en período voluntario en calquera entidade financeira, na conta 3110001136 de Caixa Galicia (2091), Oficina de Relación con Organismos (0388), Santiago de Compostela; noutro caso procederase sen máis trámite á súa exacción en vía executiva, nos seguintes prazos:

a) As débedas notificadas entre os días 1 e 15 de cada mes, desde a data de notificación ata o día 5 do mes seguinte ou o inmediatamente hábil e posterior.

b) As débedas notificadas entre os días 16 e último de cada mes, desde a data de notificación ata o día 20 do mes seguinte ou o inmediatamente hábil e posterior.

Expediente: 27070/02.

Inculpado: Gosende Multiprecios, S.L.

Enderezo: r/ Diego Pazos, nº 26 de Sarria (Lugo).

Sanción: 300 euros.

Motivo: irregularidades na campaña de control de prezos en euros.

Data de resolución: 15-7-2002.

Lugo, 23 de xullo de 2002.

Jesús Bendaña Suárez

Delegado provincial do Instituto Galego de Consumo