En cumprimento da normativa ambiental vixente, así como do resultado da cualificación ambiental do proxecto resolta pola Consellería de Medio Ambiente, durante trinta (30) días o órgano substantivo someterá o estudio de impacto ambiental a información pública mediante o correspondente anuncio no Diario Oficial de Galicia.
Na súa virtude,
RESOLVO:
Primeiro.-Someter a información pública o estudio de impacto ambiental do proxecto correspondente ás novas instalacións para a náutica recreativa en Vilanova de Arousa (Pontevedra).
Segundo.-Para os efectos informativos, poranse á disposición dos administrados exemplares nas seguintes dependencias:
-Delegación Provincial da Consellería de Medio Ambiente.
-Servicios centrais do ente público Portos de Galicia.
Terceiro.-As alegacións formularanse durante o prazo de trinta (30) días hábiles contados a partir do seguinte ó da publicación desta resolución no Diario Oficial de Galicia.
Santiago de Compostela, 23 de xullo de 2002.
Emilio García Gallego
Presidente do ente público Portos de Galicia