Agustín Ignacio Pena López, secretario do Xulgado do Social número un da Coruña, fago saber que nos autos número 185/2002, seguidos por instancia de Juan Felipe Cano Nourrisson contra Peruf Internacional, S.L., sobre salarios, a maxistrada-xuíza deste xulgado, Isabel Olmos Parese, dictou sentencia, na data 15 de xullo de 2002, coa seguinte parte dispositiva:
«Que aceptando a demanda interposta por Juan Felipe Cano Nourrisson debo declarar e declaro o dereito do demandante a percibi-la cantidade de 2.068,30 euros polos conceptos que se expresan no feito probado segundo desta resolución e neste sentido debo condenar e condeno a empresa Peruf Internacional, S.L. a que estando e pasando por tal declaración faga o pagamento ó demandante da cantidade de 2.068,30 euros polo concepto de salarios, liquidación e gastos.
Notifíqueselles esta sentencia ás partes, ás que se fará saber que, contra a dita resolución cabe o recurso de suplicación, que deberá anunciarse perante este xulgado no prazo de cinco días, contado desde a notificación desta sentencia, por comparecencia, ou por escrito das partes, do seu avogado ou representante legal, designando o letrado que deberá de interpoñelo, de ser posible o anuncio por mera manifestación daquela ó ser notificada, e que será resolto, se é o caso e cumpridos os trámites legais, pola Sala do Social do Tribunal Superior de Xustiza de Galicia. A empresa condenada deberá así mesmo acreditar, ó anuncia-lo recurso, ter consignado o importe da condena na conta de consignacións deste xulgado, aberta no BBVA, conta 5602-60, podendo substituírse polo aseguramenti mediante aval bancario, constando a responsabilidade solidaria do avalista, máis outra cantidade de 150,25 euros, na conta 5602-65, e en calidade de depósito nun impreso separado ó do importe da condena.
Así por esta miña sentencia, pronúncioo, mándoo e asínoo».
E para que lle sirva de notificación a Peruf Internacional, S.L. que tivo o seu último enderezo coñecido en Manuel Murguía, 36, A Coruña, e que na actualidade se descoñece, e co fin da súa publicación no Diario Oficial de Galicia, expido e asino este edicto na Coruña o 15 de xullo de 2002.
O secretario xudicial
Rubricado