A Comisión de Goberno, na sesión extraordinaria celebrada o día 7 de agosto de 2002, aprobou inicialmente o estudio de detalle para ordenar volumes, reaxustar aliñacións e rasantes do SUNC-P8 Cantón de Cora, do Plan Xeral de Ordenación Municipal, coas seguintes modificacións:
Punto 2.1.2.b, Rasantes.
-Onde di: «O proxecto de urbanización que se redacte para o ámbito poderá axustalas».
-Debe dicir: «O proxecto de urbanización adaptará, nos encontros das rúas existentes, as rasantes propostas no presente estudio de detalle ás existentes».
Punto 2.1.2.f. Voos.
-Onde di: «Autorizaranse voos abertos, terrazas, a partir das aliñacións, sobre as vías públicas e sobre os espacios libres, ata 1,00 da aliñación».
-Debe dicir: «Autorizaranse voos abertos, terrazas, a partir das aliñacións, sobre as vías públicas e sobre os espacios libres, ata 0,80 da aliñación».
Punto 2.3. Estudio comparativo.
-Deberá corrixir o erro tipográfico na superficie da vía no estudio de detalle, xa que segundo xustificación no punto 2.2.1 viais a superficie do mesmo interior ó ámbito é de 1.201,10 m. Polo tanto, onde di: «1,484,60 m», deberá dicir: «1.201,10 m».
-No plano 7 volumes. Esquemas deberá aclara-la configuración do baixo cuberta, xa que se amosan datos contradictorios no perfil e volume á rúa do edificio 1. Deberá reflectir o vixente artigo 84. Polo tanto, no perfil e volume á rúa onde di: «como distancia da cara superior do último forxado á liña de cornixa 1,80 m», deberá dicir «1,00 m». No perfil e volume espacios libres deberá aparecer o alzado do edificio 2. Deberán reflecti-las rasantes actuais.
-No documento para a aprobación definitiva deberá facerse constancia expresa do cumprimento da Lei 8/1997, de accesibilidade e supresión de barreiras na Comunidade autónoma de Galicia, e do Decreto 35/2000, polo que se aproba o Regulamento que a desenvolve.
As anteriores modificacións deberán plasmarse nun novo documento nun momento posterior, a requirimento desta Administración e con carácter previo ó trámite de aprobación definitiva do estudio de detalle.
O que se fai público en cumprimento do disposto no artigo 44.3º da Lei 1/1997, do 24 de marzo, do solo de Galicia, para efectos de que durante o prazo dun mes, contado a partir da publicación do presente anuncio no DOG poidan formula-las reclamacións e alegacións que se consideren pertinentes.
Suspensión de licencias.
Así mesmo, a Comisión de Goberno, na sesión extraordinaria celebrada o día 7 de agosto de 2002, acordou a suspensión de licencias de parcelación de terreos, edificación e demolición para as áreas ou usos determinados no devandito estudio de detalle. O que se fai público en cumprimento do artigo 34 da Lei 1/1997, do 24 de marzo, do solo de Galicia.
De conformidade co artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio do presente anuncio e publicación no taboleiro de edictos do concello, notifícase o acordo que nel se conten a tódolos propietarios afectados respecto dos cales non se puidese practica-la notificación.
Mugardos, 12 de agosto de 2002.
Ramón Toimil Saavedra
Alcalde