Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 965/2001 por instancia de Margarita Jove Castelo contra Quintino dos Santos, S.L. sobre salarios nos que se dictou sentencia en data 27-6-2002 que, copiada nos particulares necesarios, di así:
Decido que, estimando a demanda promovida por Margarita Jove Castelo contra a empresa Quintino dos Santos, S.L. debo condenar e condeno a demandada a que lle aboará á demandante a cantidade de 3.402,51 euros por tódolos conceptos reclamados na demanda. Así, por esta miña sentencia, contra a que poderá recorrer en suplicación perante a Sala do Social do Tribunal Superior de Xustiza de Galicia no prazo de cinco días contados desde o seguinte á súa notificación, anunciando o propósito de presentalo mediante comparecencia ou por escrito, sendo indispensable que ó tempo de anuncia-lo recorrente, se é empresario, exhiba diante deste xulgado do social o comprobante de ter depositado no Banco Bilbao Vizcaya, oficina principal desta cidade, na conta corrente deste xulgado, número 5.605, clave 60, a cantidade obxecto de condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista; sen
este requisito non poderá terse por anunciado o recurso e quedará firme a sentencia. Débense consignar, ademais, a cantidade de 25.000 pesetas na mesma conta, clave 65, entregándose o comprobante na secretaría ó tempo de interpoñe-lo recurso, declarándose o mesmo desistido de non constituírse o dito depósito na forma indicada, definitivamente xulgando en primeira instancia, pronúncioo, mándoo e asínoo.
E para que conste, para efectos da súa publicación no Diario Oficial de Galicia a fin de que sirva de notificación á empresa Quintino dos Santos, S.L., expido e asino a presente cédula na Coruña o 8 de xullo de 2002.
O secretario xudicial
Rubricado
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA
