Eu, Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos nº 156/2002, por instancia de Roberto Canosa Huerga e Antonio Losada Vázquez contra a empresa Herculsegur, S.A.L., sobre resolución de contrato, nos que recaeu sentencia con data que, copiada nos particulares necesarios, di así:
«Resolvo que, estimando a demanda promovida por Roberto Canosa Huerga e Antonio Losada Vázquez contra a empresa Herculsegur, S.A.L., debo declarar e declaro extinguida a relación laboral que unía os litigantes o día de hoxe, e condeno á demandada a estar e pasar pola anterior declaración e o
aboamento da cantidade de 1.040,27 euros ó Sr. Canosa Huerga e 5.600,96 ó Sr. Losada Vázquez, en concepto de indemnización.
Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia, no prazo de cinco días contados desde o seguinte ó da súa notificación, anunciando o propósito de interpoñelo mediante comparecencia ou por escrito, sendo indispensable que, ó tempo de anuncialo, o recorrente, se é empresario, exhiba perante este xulgado do social o xustificante acreditativo de ter depositado no Banco de Bilbao Vizcaya, oficina principal desta cidade, na conta corrente deste xulgado, número identificador 5605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, sen este requisito non poderá ter por anunciado o recurso e quedará firme a sentencia, deberá consignar, ademais, a cantidade de 25.000 pesetas na mesma conta, clave 65, e entrega-lo xustificante na secretaría ó tempo
de interpoñe-lo recurso, declarándose este desistido de non se constituí-lo dito depósito na forma indicada. Definitivamente xulgando en primeira instancia, pronúncioo, mándoo e asínoo».
Así, por esta miña sentencia, do que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo.
E para que conste para efectos da súa publicación no Diario Oficial de Galicia, co fin de que lle sirva de notificación en forma á empresa Herculsegur, S.A.L., expido e asino esta cédula na Coruña, 28 de xuño de 2002.
A secretaria xudicial
Rubricado
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA
