Ponse en coñecemento de tódolos interesados na concentración parcelaria da zona de Laza (Laza-Ourense), declarada de utilidade pública e urxente execución polo Decreto 162/1994, do 2 de xuño (DOG nº 115, do 16 de xuño) lo siguiente:
Primeiro.-Con data do 9 de xullo de 2002, o director xeral de Infraestructuras Agrarias aprobou o acordo de concentración parcelaria da zona de Laza (Laza-Ourense) logo de introducir no proxecto as modificacións oportunas á vista do resultado da enquisa deste último.
Segundo.-O acordo de concentración estará exposto ó público no Concello de Laza e na zona, durante trinta días hábiles, contados desde o día seguinte a aquel en que sexa publicado o último dos avisos que corresponde facer no Diario Oficial de Galicia, no BOP, no xornal de máis circulación da provincia, no lugar habitual da parroquia e no taboleiro de anuncios do concello.
Terceiro.-No prazo dos trinta días que se din, cabe interpoñer recurso de alzada perante o conselleiro de Política Agroalimentaria e Desenvolvemento Rural, podendo os recorrentes presentalo no rexistro da Delegación Provincial de Política Agroalimentaria e Desenvolvemento Rural (rúa Florentino L. Cuevillas, 4-6, baixo, Ourense), no rexistro xeral da consellería (San Caetano s/n, Santiago de Compostela) ou en calquera das dependencias ás que fai referencia o artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, por si mesmos ou por representación, expresando no escrito un domicilio dentro do termo municipal para facerlle-las notificacións que procedan e, se é o caso, a persoa residente nel a quen teñan que facérselle as notificacións.
Advírtese, ademais, que o acordo de concentración parcelaria só poderá ser impugnado en alzada se se infrinxen as formalidades prescritas para a súa elaboración e publicación ou se non se axustase ás bases (artigos 36, 38, 40 e 41 da Lei de concen
tración parcelaria para Galicia, do 14 de agosto de 1985).
Ourense, 9 de xullo de 2002.
Francisco Marín Muñoz
Xefe do Servicio de Infraestructuras Agrarias
de Ourense