Eu, Jaime Balado Yáñez, secretario xudicial do Xulgado do Social número dous da Coruña dou fe
e testemuño que nos autos seguidos perante este xulgado do social tramitados baixo o número 293/2002 por instancia de Juan Manuel Fontenla Fuster, contra Pinturas Grandío, S.L. e Fogasa sobre despedimento, dictouse a seguinte sentencia:
Na cidade da Coruña, 19 de xuño de 2002.
Jorge Hay Alba, maxistrado-xuíz do social número dous desta cidade, viu os presentes autos de xuízo número 293/2002, seguidos por instancia de Juan Manuel Fontenla Fuster, maior de idade, asistido polo letrado Pedro Pedreira Candal, contra a empresa Pinturas Grandío, S.L., que non compareceu nos autos, sendo o obxecto da reclamación, despedimento.
Seguen feitos e fundamentos de dereito.
Decido que estimando a demanda interposta polo demandante Juan Manuel Fontenla Fuster, debo declarar e declaro improcedente o despedimento efectuado pola empresa Pinturas Grandío, S.L. e extinguida a relación laboral na data da presente resolución, condenando a empresa a que lle aboe ó demandante a cantidade de 9.004,52 euros en concepto de indemnización, máis 2.680,42 euros por salarios de tramitación.
Notifíqueselles esta resolución ás partes, ás que se fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días, contados a partir da notificación desta sentencia; e no propio prazo, se o recorrente non goza do beneficio da xustiza gratuíta, deberá ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade, co número de conta 5603, clave 60, facendo constar no ingreso o número do expediente.
E así mesmo deberá, no momento de interpo-lo recurso, consigna-la cantidade de 150,25 euros en concepto de depósito na clave 65 da citada conta e expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo.
E para que lle sirva de notificación á empresa Pinturas Grandío, S.L. que ten o seu enderezo descoñecido, mediante a súa publicación no Diario Oficial de Galicia, expido e asino a presente cédula na Coruña o 20 de xuño de 2002.
O secretario xudicial
Rubricado
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA