En cumprimento do disposto no artigo 22.1º da Lei 3/1985, do 12 de abril, do patrimonio da Comunidade Autónoma de Galicia e 55 do seu regulamento, e a vista das competencias que teño atribuídas con base no Decreto 45/2002, do 8 de febreiro, polo que se establece a estructura orgánica do Sergas.

RESOLVO:

Primeiro.-Facer público que polas peculiaridades do ben, por se-lo local utilizado con destino ó servicio de subministracións, almacén xeral e de farmacia da Xerencia de Atención Primaria e dada a imposibilidade de dispor dun local propio, os investimentos realizados e a disfunción que ocasionaría o traslado do almacén xeral no abastecemento dos centros de saúde da área de influencia da referida xerencia, xustifícase, logo de fiscalización da Intervención Delegada de data 6 de xuño de 2002, a utilización do procedemento de contratación directa do aluguer da nave sita na rúa Marconi 152 B e 153 do Polígono do Tambre de Santiago de Compostela.

Santiago de Compostela, 11 de xuño de 2002.

Manuel Antonio Silva Romero

Secretario xeral da Consellería de Sanidade

e do Servicio Galego de Saúde