A Comisión de Goberno, na sesión que tivo lugar o vintedous de xullo de dous mil dous aprobou, con carácter inicial, o proxecto de urbanización da unidade de actuación nº 10 do Plan Xeral de Ordenación Urbana, sito entre as rúas Ernesto Caballero, Ramón Cabanillas e Ángel Amor Ruibal, promovido mediante iniciativa particular pola entidade mercantil Inversiones Playamar, S.L. e subscrito polos arquitectos Castro e Alonso, con visado colexial do 11-9-2001, así como follas de memoria corrixidas nº 30 e 37 e planos 9-bis, 11-bis e 18 bis e estudio básico de seguridade e saúde da mesma autoría e visado colexial do 21-1-2002, planos 2 bis e 3 bis reformados con visado de 18-3-2002 que anulan e substitúen os seus correlativos do proxecto, e anexo ó orzamento (cap. XII xardinería) tamén da mesma autoría, dispoñéndose o seu sometemento á información pública, tendo que estar definitivamente aprobado o proxecto de compensación da citada unidade, previo á aprobación definitiva do proxecto de
urbanización, debéndose achegar previamente os correspondentes oficios de dirección facultativa de arquitecto e arquitecto técnico ou aparellador, debidamente visados, e constituír fianza por importe de 574.392,69 euros, debendo cumprirse na execución das obras unha vez autorizadas estas, as condicións, específicas expostas no informe da Oficina Técnica de Medio Ambiente, Infraestructura e Enxeñería de 12-7-2002.
Durante o prazo dun mes, contado a partir da publicación deste anuncio no Diario Oficial de Galicia, calquera interesado poderá examinar no Servicio Municipal de Urbanismo, Medio Ambiente e Patrimonio Histórico (Fomento-rúa Churruchaos, nº 2) a documentación inicialmente aprobada, e formula-las alegacións que coide pertinentes.
Pontevedra, 24 de xullo de 2002.
Julio Dapena Outomuro
Secretario xeral
P.D.
Xosé Cesáreo Mosquera Lorenzo
Tenente alcalde delegado de Urbanismo
e Medio Ambiente