Jaime Balado Yáñez, secretario xudicial do Xulgado do Social número dous da Coruña, dou fe e testemuño: nos autos seguidos perante este xulgado do social tramitados baixo o número 776/2001 contra empresa Exclusivas Ferco, S.L. sobre salarios, dictouse a seguinte sentencia:

«Sentencia. A Coruña, 8 de maio de 2002. Jorge Hay Alba, maxistrado-xuíz do social número dous desta cidade, viu os presentes autos de xuízo número 776/2001, seguidos por instancia de Juan Carlos Seijas Seoane, maior de idade, asistido polo letrado Antonio Pousa Merens, contra a empresa Exclusivas Ferco, S.L., representada por Sonia Ferreira Pena e asistida polo letrado José Antonio Marcote Rocha, sendo o obxecto da reclamación, salarios.

Seguen feitos e fundamentos xurídicos.

Decido que debo estimar e estimo a demanda interposta por Juan Carlos Seijas Seoane contra a empresa Exclusivas Ferco, S.L., condenando á demandada a aboarlle ó demandante a cantidade de 3.124,56 euros polos conceptos reclamados na demanda.

Notifíqueselles esta resolución ás partes, ás que se fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia; e no propio prazo, se o recorrente non goza do beneficio da xustiza gratuíta, deberá, ó anuncialo, entrega-lo xustificante acreditativo de consignación da cantidade de 25.000 pesetas na conta de «Depósito e consignacións» que este xulgado ten aberta no BBV desta cidade, co número de conta 5603, clave 65, facendo constar no ingreso o número do expediente.

Así, por esta miña sentencia, definitivamente xulgando en primeira instancia, pronúncioo, mándoo e asínoo».

E para que lle sirva de notificación á empresa Exclusivas Ferco, S.L., que ten o seu enderezo des

coñecido, mediante a súa publicación no Diario Oficial de Galicia, expido e asino esta cédula na Coruña o 18 de xuño de 2002.

O secretario xudicial

Rubricado