De conformidade co disposto nos artigos 59.4º e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, pola presente cédula notifícase nun mesmo acto a Enrique del Amo Lobo o acordo de nomeamento de novo instructor e a proposta de resolución do expediente sancionador S-8/02, iniciado en acordo do delegado provincial de Sanidade de Lugo do 22 de febreiro de 2002, despois de terse intentado a notificación do expediente por dúas veces no último domicilio coñecido sen resultado positivo.

Publicado o inicio deste expediente no taboleiro de anuncios do Concello de León e no DOG nº 110 do luns 10 de xuño de 2002 e non tendo presentado alegacións o interesado no tempo establecido para iso, non se desvirtúa o contido das imputacións expostas no documento de iniciación deste expediente.

Contra a dita proposta de resolución poderá formular alegacións e achega-las probas que estime pertinente en defensa dos seus dereitos, no prazo de quince días (15 días), contados desde o día seguinte ó desta publicación.

Con motivo da baixa laboral por enfermidade da instructora do expediente, e co fin de non demora-la resolución do expediente por causas imputables á Administración, o delegado provincial de Sanidade de Lugo, en virtude das facultades que legalmente ten conferidas, acordou nomear como instructor do mentado expediente a Ángel Luis Martínez Celorrio, funcionario da Delegación Provincial da Consellería de Sanidade en Lugo, nomeamento que se notifica á persoa suxeita a expediente, para os efectos da recusación prevista no artigo 29 da Lei de réxime xurídico das administracións públicas e do procedemento administrativo común, e ó instructor para os efectos da abstención prevista no artigo 28 da dita lei.

Tendo en conta os preceptos legais nomeados e demais concordantes de xeral aplicación, así como os principios de celeridade e economía administrativa, notifícase neste mesmo acto a proposta de resolución e o nomeamento de novo instructor deste expediente sancionador, sen prexuízo do dereito de recusación que o interesado poderá exercer en calquera momento do procedemento. O correspondente expediente figura á disposición do interesado para coñecemento íntegro e constancia do mentado acto nas dependencias da Delegación Provincial de Sanidade de Lugo, co enderezo na rúa Montevideo nº 9 27001-Lugo.

Os datos persoais, feitos imputados, preceptos infrinxidos, cualificación da infracción, contía proposta, órgano responsable da resolución e prazo para formular alegacións figuran no anexo.

Lugo, 28 de xuño de 2002.

P.A.

Ángel Luis Martínez Celorrio

Instructor

ANEXO

Expediente: S-8/02.

1. Denunciado: Enrique del Amo Lobo, DNI: 11731191.

2. Último domicilio coñecido: P/ San Albito nº 2-2 B-H León.

3. Feitos imputados: como consecuencia do labor inspector e de control das condicións sanitarias do transporte terrestre de alimentos e productos alimentarios a temperatura regulamentada que teñen atribuído os funcionarios da Dirección Xeral da Garda Civil, 1º Compañía de Lugo, Patrulla Seprona de Baralla, procedeuse á inspección do vehículo conducido por Enrique del Amo Lobo, levantando o oficio-denuncia nº rxtro. 1135 do 17 de decembro de 2001, no que se constata a existencia das seguintes irregularidades:

-Circular transportando 604 kg de carnes frescas (lombos de vaca), enriba de dous palets tocando algún deles o chan do vehículo.

Resultado da citada inspección, a Delegación Provincial da Consellería de Sanidade en Lugo iniciou expediente administrativo sancionador nº S-8/02 mediante Resolución do 22 de febreiro de 2002, (publicado no DOG nº 110 do luns 10 de xuño de 2002) por infraccións das normas sanitarias e de hixiene aplicables ó transporte terrestre de alimentos e productos alimentarios a temperatura regulada.

4. Preceptos infrinxidos: artigo 35 a) 3º da Lei 14/1986, do 25 de abril, xeral de sanidade; artigo 2.1º.1. do Real decreto 1945/1983, do 22 de xuño, polo que se regulan as infraccións e sancións en materia de defensa do consumidor e da producción agroalimentaria; artigo 1.1º d) do Decreto 157/1985, do 11 de xullo, da Xunta de Galicia, polo que se regulan as infraccións e sancións en materia sanitaria; punto 5 do capítulo IV do anexo do Real decreto 2207/1995, do 28 de decembro, polo que se establecen as normas de hixiene relativas ós productos alimenticios; artigo 74 do capítulo XV do anexo I do Real decreto 147/1993, do 29 de xaneiro, polo que se establecen as condicións sanitarias de producción e comercialización de carnes frescas; artigo 8.3º do Real decreto 2843/1986, do 14 de novembro, polo que se aproba a regulamentación técnico-sanitaria sobre condicións xerais de transporte terrestre de alimentos e productos alimentarios a temperatura regulamentada.

5. Cualificación da infracción: de acordo co artigo 35 a) 3º da Lei 14/1986, do 25 de abril, xeral de sanidade, debe cualificarse como leve e pode ser sancionado, de acordo co artigo 36.1º a) da citada lei, con multa de ata tres mil cinco euros con seis céntimos (3.005,06 A).

6. Sanción proposta: 150,25 A.

7. Órgano responsable da resolución: delegado provincial de Sanidade de Lugo.

8. Prazo para formular alegacións: quince días (15 días), contados desde o día seguinte ó desta publicación.

CONSELLERÍA DE XUSTIZA, INTERIOR E RELACIÓNS

LABORAIS