Mediante Resolución do 26 de abril de 2002 publicouse o programa de préstamos para financiar produccións audiovisuais na Comunidade Autónoma de Galicia (DOG nº 87, do 7 de maio).

No punto cuarto determínase a operativa do préstamo, establecéndose que o tipo de xuro variará por semestres naturais, publicándose o dito tipo de referencia para cada semestre no Diario Oficial de Galicia.

Visto o exposto e unha vez verificados os datos relativos á evolución do Mibor e Euribor, en virtude das facultades que teño conferidas

RESOLVO:

Primeiro.-O tipo de xuro nominal dos préstamos que se formalicen no segundo semestre de 2002 ó abeiro do programa de préstamos para financiar produccións audiovisuais na Comunidade Autónoma de Galicia será o 3,626%.

En Santiago de Compostela, 11 de xullo de 2002.

Margarita Rodríguez Rama

Directora xeral do Instituto Galego de Promoción Económica