A Comisión de Goberno do Concello, na sesión do día 29 de abril de 2002, aprobou inicialmente o Plan parcial do solo urbanizable programado número 7 (SUP-7), da Ponte Pedriña, promovido polos servicios técnicos municipais.
O plan parcial prevé a delimitación dun polígono único para executar polo sistema de expropiación.
En cumprimento do que dispón o artigo 42 da Lei 1/1997, do solo de Galicia, o expediente sométese a información pública durante o prazo dun mes, contado desde a publicación deste anuncio no Diario Oficial de Galicia. Durante este prazo os interesados poderán consulta-lo expediente nas oficinas de planeamento e xestión, sitas no Pazo de Raxoi, e formular por escrito as alegacións que xulguen oportunas.
Santiago de Compostela, 3 de xullo de 2002.
Luís Toxo Ramallo
Concelleiro delegado de Urbanismo