A Comisión de Goberno, en sesión do 1-7-2002, acordou tomar coñecemento do proxecto de compensación da unidade de actuación nº 10 do PXOU sita entre as rúas Ernesto Caballero, Ramón Cabanillas e Ángel Amor Ruibal, presentado no rexistro do concello o 25-3-2002 por Inversiones Playamar, S.L. na súa condición de propietaria única da totalidade dos terreos integrantes e subscrito polos arquitectos sres. Castro e Lorenzo, dispoñéndose a anulación daquelas determinacións e documentos integrantes deste que fagan referencia á obriga de achegar economicamente o concello calquera gasto que puidese corresponderlle como Administración receptora do dez por cento do aproveitamento tipo, polo custo de redacción de proxectos e a xestión do plan especial, do proxecto de urbanización e das propias obras de urbanización, acordo que se adopta exonerando o concello de tales obrigas económicas e en función do ofrecemento efectuado pola sociedade o 24-6-2002.
Así mesmo disponse que a cesión que se efectúa en favor do concello incluída a do 10% do aproveitamento urbanístico da unidade que se grafa no proxecto efectuarase en pleno dominio e libre de cargas, gravames e incluso alugueres pasando a formar parte do patrimonio municipal e incluíndose no inventario municipal de bens, dispoñéndose o sometemento a información pública do proxecto de compensación.
Durante o prazo de vinte días, contado a partir da publicación deste anuncio no Diario Oficial de Galicia, calquera interesado poderá examinar no Servicio Municipal de Urbanismo, Medio Ambiente e Patrimonio Histórico, na rúa Churruchaos número 2 desta cidade, a documentación inicialmente aprobada e formula-las alegacións que coiden pertinentes.
Pontevedra, 8 de xullo de 2002.
Julio Dapena Outomuro
Secretario xeral
P.D.
Xosé Cesáreo Mosquera Lorenzo
Tenente alcalde delegado da Área de Urbanismo e
Medio Ambiente