O Concello Pleno, en sesión extraordinaria celebrada o día 28 de xuño de 2002, acordou:
1. Aprobar-lo informe emitido polo equipo redactor en relación coas alegacións presentadas durante o período de información pública do proxecto do Plan Xeral de Ordenación Municipal de Ames, e as puntualizacións e precisións que constan nos informes dos técnicos municipais.
2. Ratificar-los convenios urbanísticos subscritos polo alcalde en representación do concello e que foron incorporados como determinacións do plan xeral.
3. Aprobar así mesmo as modificacións derivadas dos informes preceptivos dos organismos sectoriais con competencia, e especialmente as derivadas do informe vinculante do 28 de maio de 2002 da Consellería de Política Territorial, Obras Públicas e Vivenda.
4. Aprobar definitivamente o documento do Plan Xeral de Ordenación Municipal do Concello de Ames presentado a informe da Consellería de Política Territorial, Obras Públicas e Vivenda, incorporando a modificación referida a supresión do sector S-01 de solo urbanizable, e a súa clasificación como solo rústico de especial protección forestal similar ós terreos colindantes, en cumprimento do informe vinculante da consellería remitido con data 21 de xuño de 2002, e a elaboración dun documento refundido no que queden definitivamente recollidas as correccións da consellería e o indicado respecto ó sector S-01 de solo urbanizable.
5. Redactar-lo texto refundido do dito proxecto e cumpri-los requisitos legais necesarios para a súa entrada en vigor derivados do disposto no artigo 48 da Lei 1/1997, do 24 de marzo, do solo de Galicia.
O que se fai público para a súa executividade, cumprindo así co disposto no artigo 48.2º da Lei 1/1997, do 24 de marzo, do solo de Galicia, sinalando que contra o presente acordo, que é definitivo en vía administrativa, de conformidade co disposto no artigo 6 da Lei 7/1995, do 29 de xuño, de delegación de competencias en materia de urbanismo, poderá interpoñerse potestativamente recurso de reposición ante o mesmo órgano que o dictou, no prazo dun mes, contado a partir do día seguinte ó da derradeira publicación do presente anuncio no BOP, no Diario Oficial de Galicia, ou no periódico El Correo Gallego, de conformidade co disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común.
Se se opta pola interposición do recurso potestativo de reposición deberá ser resolto e notificado polo
concello no prazo dun mes, segundo o establecido no artigo 117.2º da Lei 30/1992, do 26 de novembro, modificada pola Lei 4/1999, do 13 de xaneiro. Transcorrido un mes desde a interposición do recurso de reposición sen que recaese resolución en prazo entenderase desestimado, e poderase interpoñer recurso contencioso-administrativo.
Contra a resolución expresa do recurso de reposición, ou ben directamente contra o presente acordo, poderase interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto nos artigos 10.1º a) e 46.1º da Lei 29/1998, do 13 de xullo, reguladora da xurisdicción contencioso-administrativa, no prazo de dous meses contados a partir do día seguinte ó da notificación da dita resolución, ou ó da derradeira publicación do presente acordo; se a resolución non fose expresa o prazo de interposición do recurso contencioso-administrativo será de seis meses, e contarase a partir do día seguinte a aquel no que deba entenderse desestimado o recurso potestativo de reposición interposto.
Advírtese de que tamén se poderá interpoñer calquera outro recurso que os interesados estimen pertinente.
O que se fai público para os efectos oportunos.
Ames, 4 de xullo de 2002.
Xosé Astray Lorenzo
Alcalde