O artigo 12 da Lei 5/1987 e o artigo 4 do Decreto 240/1992, do 30 de xullo (DOG do 12 de agosto), polo que se aproba o Regulamento do Consello Universitario de Galicia regulan a composición do Consello Universitario de Galicia. No epígrafe a) do artigo 4 do Decreto 240/1992, do 30 de xullo, establécese que serán vocais deste os rectores das universidades galegas.
Pola Orde do 16 de xuño de 1998 (DOG do 6 de xullo) fíxose pública a composición do Consello Universitario de Galicia. No punto 3 do artigo único desta orde figura como rector da Universidade de Santiago de Compostela Francisco Darío Villanueva Prieto.
Unha vez publicado no Diario Oficial de Galicia o nomeamento de Senén Barro Ameneiro o pasado 14 de xuño como rector da Universidade de Santiago de Compostela, por proposta do conselleiro de Educación e Ordenación Universitaria, procede substituí-lo rector da Universidade de Santiago de Compostela no Consello Universitario de Galicia, en vir
tude do disposto no artigo 4º c) do citado Decreto 240/1992, do 30 de xullo.
Por todo iso,
DISPOÑO:
Artigo único.-Nomear como membro do Consello Universitario de Galicia a Senén Barro Ameneiro, rector da Universidade de Santiago de Compostela.
Esta persoa substitúe a Francisco Darío Villanueva Prieto, que cesa como membro do Consello Universitario de Galicia, agradecéndolle-los servicios prestados.
Santiago de Compostela, 5 de xullo de 2002.
Celso Currás Fernández
Conselleiro de Educación e Ordenación Universitaria