A Orde do 20 de marzo de 2002 (DOG do 18 de abril), pola que se convocaban os premios extraordinarios das modalidades de bacharelato, correspondentes ó curso 2001/2002, establecía no seu artigo 8.2º que, de acordo coa proposta feita polo tribunal encargado de supervisar e avalia-las probas do premio extraordinario de bacharelato, o director xeral de Centros e Inspección Educativa concedería os premios extraordinarios de bacharelato.

Unha vez realizadas as citadas probas, publicada a acta provisional coas cualificacións obtidas polos candidatos e unha vez resoltas as reclamacións presentadas e vista a acta coa proposta definitiva de adxudicación dos premios extraordinarios, esta dirección xeral

RESOLVE:

Primeiro.-Concede-lo premio extraordinario das modalidades de bacharelato, correspondente ó curso 2001-2002, ós alumnos que figuran no anexo a esta resolución.

Segundo.-Esta resolución, que pon fin á vía administrativa, pódese recorrer, mediante recurso potestativo de reposición, no prazo dun mes, ante o director xeral de Centros e Inspección Educativa, ou impugnar, mediante a interposición de recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde o día seguinte ó da data da súa publicación.

Santiago de Compostela, 8 de xullo de 2002.

Alberto González Armesto

Director xeral de Centros e Inspección Educativa

ANEXO