O Decreto 17/2002, do 1 de febreiro, fixa a estructura orgánica da Secretaría Xeral para as Relacións cos Medios Informativos, creando a Subdirección Xeral de Coordinación Administrativa.
O Decreto 73/2002, do 14 de marzo, polo que se desenvolve a estructura orgánica da Consellería da Presidencia, Relacións Institucionais e Administración Pública, crea na Dirección Xeral de Relacións Institucionais o Servicio de Coordinación.
Todo isto, así como a adecuación do cadro de persoal da Consellería da Presidencia, Relacións Institucionais e Administración Pública ás súas necesidades de funcionamento, leva a modifica-la vixente relación de postos de traballo da devandita consellería.
En consecuencia, por proposta do conselleiro da Presidencia, Relacións Institucionais e Administración Pública, consultadas as organizacións sindicais presentes na Mesa Sectorial de Persoal Funcionario da Comunidade Autónoma e a Comisión de Persoal, o Consello da Xunta de Galicia na súa reunión do día catro de xullo de dous mil dous, adoptou o seguinte
ACORDO:
Primeiro.-Modifica-la vixente relación de postos de traballo da Consellería da Presidencia, Relacións Institucionais e Administración Pública, nos termos que se sinalan nos anexos ó presente acordo.
Segundo.-Ordena-la publicación da dita modificación no Diario Oficial de Galicia para efectos da súa entrada en vigor a partir do día seguinte a ela.
Visto o acordo adoptado polo Consello da Xunta de Galicia na súa reunión do catro de xullo de dous mil dous, relativo á modificación da relación de postos de traballo da Consellería da Presidencia, Relacións Institucionais e Administración Pública, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 5 de xullo de 2002.
Jaime Pita Varela
Conselleiro da Presidencia, Relacións Institucionais e Administración Pública