Para os efectos previstos na Lei 54/1997, do 27 de novembro, e no artigo 9 do Decreto 2617/1966, sométese a información pública a petición de autorización da instalación eléctrica que se cita:

Solicitante: Unión Fenosa Distribución, S.A.

Domicilio social: A Batundeira, 2 Velle, 32960 Ourense.

Denominación: L.M.T.S., C.T., Manuel Quiroga, 78 esq. r/ Eras.

Situación: O Barco.

Descricións técnicas: liña soterrada a 20 kV de 55 m en conductor R.H.Z. 12/20 kV, con orixe no C.T. Manuel Quiroga e remate na L.M.T. sot. ó C.T. urbanización Los Nidos despois de alimenta-lo C.T. proxectado no soto do edificio nº 78 da r/ Manuel Quiroga.

Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.

Ourense, 5 de xuño de 2002.

Ramón Fernández-Linares Bouza

Delegado provincial de Ourense