Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño en autos seguidos perante este xulgado do social tramitados baixo o número 964/2001, por instancia de Pedro Souto Roel contra Empresa Tero Lago, S.L. e Fogasa sobre cantidade, dictouse a seguinte sentencia na cidade da Coruña, o 7 de xuño de 2002.
Jorge Hay Alba, maxistrado-xuíz do Xulgado do Social número dous desta cidade, viu os presentes autos de xuízo número 964/2001, seguidos por instancia de Pedro Souto Roel, maior de idade, asistido por Purificación Mariño Casal, contra a empresa Tero Lago, S.L., que non compareceu nos autos, con intervención de Fogasa, representado e asistido polo letrado Javier Morado Díaz, sendo o obxecto da reclamación, cantidade.
Seguen feitos e fundamentos de dereito.
Decido que debo estimar e estimo a demanda interposta por Pedro Souto Roel contra a empresa Tero Lago, S.L., intervindo Fogasa, debo condenar e condeno a empresa demandada a que abone ó actor a cantidade de 3.180,09 euros por tódolos conceptos reclamados na demanda.
Notifíqueselles esta resolución ás partes ás que se fará saber que contra a referida sentencia só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo se o recorrente non goza do beneficio da xustiza gratuíta deberá ó anuncialo entrega-lo xustificante acreditativo da consignación da cantidade obxecto da condena na conta de depósitos e consignacións que este xulgado ten aberta no BBV desta cidade co número
de conta 5603 clave 60, facendo constar no ingreso o número do expediente.
E, así mesmo, deberá no momento de interpo-lo recurso consigna-la cantidade de 150,25 euros en concepto de depósito na clave 65 da citada conta e expediente.
Así, por esta miña sentencia definitivamente xulgando en primeira instancia, pronúncioo, mándoo e asínoo.
E para que sirva de notificación a empresa Tero Lago, S.L., mediante a súa publicación no Diario Oficial de Galicia, que ten o seu enderezo descoñecido, expido e asino a presente cédula na Coruña o 7 de xuño de 2002.
O secretario xudicial
Rubricado